Монгол Улсад оюутны байгууллага үүсч хөгжсөний түүхт 70 жилийн ой энэ онд тохиож байна. Мөн олон улсад оюутны байгууллага үүсч хөгжсөн өдөр арваннэгдүгээр сарын 17-нд тохиодог. Ойн өдрүүдийг тохиолдуулан өнөөдөр Монголын оюутны холбооноос Улсын драмын эрдмийн театрт баярын хурал зохион байгууллаа.
Анх 1943 оны аравдугаар сарын 5-нд МУИС-ийн дэргэд Оюутны зөвлөл нэртэйгээр байгуулагдаж байсан юм. Монголын оюутны холбооны энэхүү баярын хуралд Монгол Улсын Ерөнхийлөгч Ц.Элбэгдорж, Улсын Их Хурлын дарга З.Энхболд, УИХ-ын гишүүн, Гадаад харилцааны сайд Л.Болд, Улаанбаатар хотын захирагч Э.Бат-Үүл нар мэндчилгээ ирүүлсэн нь энэ байгууллагын улсын хөгжилд онцгой хувь нэмэр оруулж буйг тунхаглаж буй хэрэг гэж зохион байгуулагчид онцоллоо. Баярынхурлыг нээж МОХ-ны ерөнхийлөгч Х.Батсайхан үг хэлсэн юм. Түүхт 70 жилийнхээ баярын хуралд үе, үеийн олон удирдлагууд илтгэл тавьж сэтгэгдлээ хуваалцлаа. Энэ үеэр МОХ-ны ерөнхийлөгчөөр ажиллаж байсан Б.Ганхуягийг Монгол Улсын Ерөнхийлөгчийн зарилгаар “Алтан гадас” одонгоор шагнахаар болсныг дуулгасан юм. Мөн үе үеийн удирдлагуудад МОХ-ны ойн мядалиар шагналаа.
Т.Түвшин
Ugluu.mn