Боксчид Ази тивийн АШТ-ээс 3 хүрэл хүртжээ

Тайландын Бангкок хотноо болж буй сонирхогчдын боксын залуучуудын Ази тивийн аварга шалгаруулах тэмцээний 49 кг-ын жинд Д.Мөнх-Эрдэнэ, 52 кг-ын жинд Э.Цэндбаатар, 56 кг-ын жинд Б.Мишээлт нар хүрэл медаль хүртжээ.

Боксчид өчигдөр болсон мөнгөн медалийн төлөөх тоглолтод гурвуулаа ялагдал хүлээн, ийнхүү хүрэл медалийн болзол хангасан байна. Энэ удаагийн  сонирхогчдын боксын Азийн аварга шалгаруулах тэмцээнд манай улсаас долоон тамирчин оролцсоноос гурав нь медаль өвөртлөн эх орондоо ирлээ. Тэмцээнд тивийн 16 орны баг тамирчид, хурд хүчээ сорьж байгаа юм.