Өглөө.мн Шинэ өглөө, Шинэ мэдээлэл
Энэ сарын 26-ны өдөр болох Ерөнхийлөгчийн сонгуулийн санал хураалт монголчуудын хувьд төрийн тэргүүнээ сонгох тав дахь удаагийн сонгууль. Иймд энэ өдөр залуусыг өөрсдийн үзэл бодол, үнэт зүйл, улс төрийн сонголтондоо эзэн болохыг хэд хэдэн ТББ-ын тэргүүн залуус “Бид саналаа өгнө” хөдөлгөөн байгуулан залуусыг сонгуульд идэвхтэй оролцохыг уриалав. Тэд“Хэрэв Ерөнхийлөгчийн сонгуулийн ирц хүрэхгүй дахин сонгууль боллоо гэхэд зардал нь нийтдээ 28 тэрбум болно. Тиймээс залуус бид 100 цэцэрлэг барих мөнгийг үр дүнгүй зарлага болгохоос сэргийлж саналаа идэвхитэй өгөх хэрэгтэй” хэмээн тайлбарлаж байлаа. Түүнчлэн Сонгуулийн ерөнхий хорооны удирдлагуудад хэрэв сонгуулийн ирцийг хангалттай түвшинд бүрдүүлж чадалгүй дахин сонгууль явуулсан тохиолдолд хариуцлага тооцох учиртай гэдгийг ч сануулж байсан юм. “Бид саналаа өгнө” хөдөлгөөн ийнхүү уриалснаараа төсвийн мөнгийг үр ашиггүй зарцуулахаас айдаггүй УИХ-ын гишүүдийг ичээгээд авав бололтой.
А.Тамир
