Хөвсгөлийн нисэх буудлын дарга М.Амарбаясгалан ноцтой ослуудыг нуун дарагдуулж байна

Гудамжинд лааз өшиг­лөөд явж байсан хэсэг нөхөд өнөөдөр УИХ-д суудалтай гурван бие даагч гишүүний буянаар ИНЕГ-т эзэн мэт сууж буй билээ. Бие даагч Ц.Даваасүрэн гишүүний ивээлд багтаж ИНЕГ-ын даргын зөөлөн сэнтийд заларч байсан тус газрын дарга асан С.Буяндалайг “Ажлаа хийхгүй байна” гэж салбарын сайд нь огцруулсан. Тэгвэл ямар ч мэдлэг туршлагагүй нөхдийн бөөг­нөрөл тус газарт буй болсноос хойш энэ газрын ажил урагш гишгэхээ байж.

Учир нь шинээр то­ми­логдсон удирдлагууд ха­лаа сэлгээг баруун сол­гойгүй хийж, гурван ги­шүүний танил тал, хамаатан садан зэрэг мэргэжлийн бус 120 гаруй хүнийг ажилд оруулс­наас болж иргэ­ний нисэхийн салбарын бод­­лого алдагдаж, аюулгүй ажил­­­лагаа зөр­чигд­сөнөөр зор­чигчдын эрх аш­гийг хо­хи­роосон хэрэг гар­саар байна.

Бие даагчдын халаасны хүмүүс энэ салбарт олноороо шургалжээ

Уг нь С.Буяндалайг “Мэр­гэжлийн ажилчдыг ол­ноор нь халж, тус салбарт тогтворгүй байдал үүсгэж хохирол учруулсан” гэх үндэс­лэлээр ажлаас нь халж байсан.

Гэтэл одоо байдал улам ч дордож байгаа нь мэр­гэжлийн хүмүүсийн сэт­гэлийг зовоосон асуудал болоод байна.
Уг нь боловсон хүчний асуудлын талаар ярих хү­сэл эрмэлзлэл их байдаг ч зөвхөн бие даагчдын ха­лаасны хү­мүүс энэ салбарт олноороо бугшсан учраас тэдний са­налыг сонсох нэг ч хүн байхгүйд хэргийн гол учир оршиж буй юм гэж халаглах хүн ч олон байна.

Тухайлбал өнөөдөр ул­стөрийн томилгоогоор то­ми­логдоогүй гэх тодотоголыг зүүгээд буй Т.Лхагвасүрэн дарга өөрийн толгойгоор ажлаа явуулж чаддахгүйд хүрчээ. Мэдээж үүний ар талд нөгөө л эрх мэдэлтэй бие даагч гишүүд байгаа учраас тэр гэдгийг амтай бүхэн хэлж байв.

“Изинис эйрвайз” компанийн 74 зорчигчтой “Q-450” онгоц шувуутай мөргөлдсөн

Тэгвэл Ц.Даваасүрэн ги­шүүний халааасны хүн, дунд сургуулийн найз гэг­дээд буй М.Амарбаясгалан Хөвсгөл аймгийн Мөрөн хотын нисэх буудлын даргын аж­лыг авснаас хойш тус газрыг жинхэнэ утгаар нь самарч мэргэжлийн хү­мүүсийг ажлаас нь халж өөртөйгөө ижилхэн усан толгойтнуудаар тус буудлыг дүүргэжээ. Өөрөөр хэлбэл М.Амар­баясгалангийн тарь­сан ба­­­­­лаг хэрээс хэтэрчээ. Тэр­бээр нисэх буудлын дарга болонгуутаа мэргэж­лийн ажилчдыг элд­вээр да­рамт­­лан аж­лаас халж, оронд нь Ц.Даваа­сүрэнгийн танил талын 16 хүнийг ажилд авчээ.

Иймэрхүү мэдлэг ду­лимаг хүмүүсийг ажилд авс­наас болж өнгөрсөн нэг­­дүгээр сарын 27-ны өдөр уг нисэх буудлаас хөөр­­сөн “Изинис эйрвайз” ком­­панийн 74 зор­чигчтой “Q-450” онгоц шу­вуутай мөр­гөлдсөн ноцтой зөрчил гар­сан байна. Авто замын байцаагчаар ажиллаж бай­сан М.Амарбаясгалан аж­лаа мэдэхгүйн улмаас тус буудлын хамгаалалтын бүсэд оготно элбэгшиж, түүгээр хооллогч махчин шувууд олширсноос нислэгт ноцтой аюул занал учруулахуйц хэмжээнд хүрсэн гэж мэр­гэжлийн хүмүүс дүгнэн тайл­­­барлаж байгаа юм.

Энэ гарсан зөрчлийг М.Амарбаясгалан дарга тас нуугаад өнгөрөхийг чар­майсан ч дахин нэг ноцтой осол гарчээ.
Тодруулбал энэ сарын 4-ний өдөр тус нисэх буудлын Алтансүх, Даваа-Очир хоёр ажилтан машинаас унаж, хүнд гэмтжээ. Энэ осол нь тухайн үед ажил үүргээ гүйцэтгэж байсан дээрх ажилтнуудаар хөдөлмөрийн гэрээнд заагдаагүй өөр ажил хийлгэх тушаалыг М.Амарбаясгалан дарга гар­гаснаас үүдэн гарсан аж. Уг нь тэдэнд хөдөлмөрийн аюулгүй ажиллагааны дү­рэм журмыг танилцуулсны да­раа тэднийг уг ажилд томи­лох ёстой байсан аж. Гэтэл наад захын заавар зөв­лөгөө өгөлгүй ажил­луулс­наас дээрх нэр бү­хий хоёр хүн өнөөдөр Улаан­баатарт хүргэгдэн эмч­лэгдэж байна.

Ийм олон осол аваар гарсаар байхад хотод бай­гаа нөхдүүдийн чихэнд хү­рэх­гүй гэж боддог М.Амар­баясгалан дарга энэ хэргийг мөн л нуухыг элдвээр орол­дож байгаа тухай эх сур­валжууд мэдээлсэн. Тий­­мээс Хөвсгөл аймгийн Мөрөн хотод гарч буй энэ их осол аваарийг холбогдох албаны хүмүүст сонордуулах нь зүйн хэрэг байх.

М.Амарбаясгалангийн томилгоо нэг иймэрхүү

УИХ-ын ги­шүүн Ц.Даваасүрэн Мөр­өн хотын нисэх бууд­лын даргаар өөрийн анд М.Амар­баяс­галанг томилс­ноос хойш тэнд ямархуу мэргэжил мэд­лэгтэй хүмүүс тус га­зарт ажиллах болсныг цухас өгүүлье. Тодруулбал нягт­лан бодогчоор нь Д.Алтантуяа, сантехникийн механикаар Б.Батхуяг, уурын зуухны машинистаар Р.Юра нарыг томилсон бол Ц.Даваасүрэн гишүүний дүү болох цаг уурч мэргэжилтэй Ц.Пүрэв-Очирыг тус бууд­лын нисэхийн холбооны техникчээр ажиллуулж бай­гаа аж.

Мөн гишүүнийг сон­гуульд нэр дэвшихэд нь ажиллаж байсан Г.Адъяаг аэродромын инженер, Н.Доржпүрэвийг Хатгал дахь нисэх буудлын эрх­лэгч, Ц.Доржпаламыг уурын зуухны машинистаар тус тус томилжээ. Яаж ги­шүү­нээс дутах вэ гэсэн шиг М.Амарбаясгалан өөрийн сайн найз гэгдэх Р.Бат­дэлгэрийг цахил­гаан­чин, Ё.Даваа-Очирыг жо­лоочоор ажилд авсан гэх зэргээр мэргэжлийн бус хүмүүс тус газарт ногоон гэрлээр ажилд орсон гэсэн үг.

Удаа дараа осол аваар гаргаж буй М.Амарбаясгалан даргын энэхүү үйлдлийг салбарын яам болон хол­богдох албаны хүмүүс анхаа­ралдаа авах цаг нь ирсэн бололтой.

Р.Саруул