Өглөө.мн Шинэ өглөө, Шинэ мэдээлэл
Замын цагдаагийн газрын Мэдээлэл шуурхай удирдлагын хэлтэс дээр өнгөрөгч амралтын өдөр 687 дуудлага, мэдээлэл ирсэн бөгөөд эдгээрээс зам тээврийн ослын 598 дуудлага бүртгэгдсэн байна. Үүнээс Хөдөлгөөний аюулгүй байдлын журмын эсрэг гэмт хэрэг 18 гарч хоёр хүн нас барж, 31 хүн хүнд хөнгөн гэмтжээ.
Харин 16 зорчигч согтууруулах ундааны зүйл хэрэглэсэн үедээ замын хөдөлгөөнд оролцсон бол нэг хүүхэд зам тээврийн осолд өртсөн байна. Тиймээс замын хөдөлгөөнд оролцож байгаа жолооч нар хөдөлгөөний эрчим, тээврийн хэрэгслийн онцлог байдал, тээж яваа ачаа, замын болон цаг агаарын нөхцөл, хөдөлгөөний дагуу үзэгдэлтийг харгалзан тээврийн хэрэгслийн хурдыг сонгож, анхаарал болгоомжтой оролцохыг Цагдаагийн байгууллагаас сэрэмжлүүлж байна.
