40 мянган оюутан тэтгэлгээ авч чадаагүй

Улсын хэмжээнд 40 мянган оюутан тэтгэлгээ авч чадаагүй байтал оюутны тэтгэлгийн журамд өөрчлөлт оруулжээ.

Тодруулбал, Засгийн газрын хуралдаанаар “Дээд боловсролын сургалтын байгууллагад суралцагчдад суралцагчийн тэтгэлэг олгох журам”-д өөрчлөлт орууллаа. Өөрчлөлтөөр бакалаврын тэтгэлэгт оюутнуудын голч дүн 2.0-оос доошгүй байсныг 3.0-аас доошгүй болгон нэмэгдүүлсэн байна.

Харин магистрын хөтөлбөрт шинээр элсэгчийн голч дүн 2.8 байсныг 3.2, докторын хөтөлбөрт шинээр элсэгчийн голч дүнг 3.5 болгон өөрчилжээ. Мөн түүнчлэн зарим их, дээд сургуулиуд тэтгэлгээ огт өгөхгүй байна гэсэн гомдол санал яваад байгаа аж.

Эх сурвалж www.wikimon.mn