Эверестэд авирах боломжгүй болжээ

Өнгөрсөн сард Непаль улсад болсон газар хөдлөлтийн улмаас Эверестийн замууд эвдэрч сүйдсэн учраас энэ улиралд тус ууланд авирах нь бараг боломжгүй гэсэн дүгнэлтийг албаны хүмүүс гаргажээ. Уулын замуудыг засч, шинэчлэхэд цаг хугацаа шаардлагатай байгааг анхааруулсан байна. Гэхдээ засгийн газрын зүгээс албан ёсны шийдвэр хараахан гаргаагүй байгаа юм. Газар хөдлөлтийн үеэр ууланд авирч яваад цасан нурангинд дарагдсаны улмаас дор хаяж 19 хүн амиа алджээ. 7.8 баллын хүчтэй дээрх газар хөдлөлтийн уршгаар 7,250 орчим хүн нас барж, 10 мянга гаруй оршин суугч гэмтэж бэртсэн юм. Эверестэд авирч байсан ихэнх уулчид одоогийн байдлаар уулан дахь баазыг орхисон бөгөөд бүгд аялалаа зогсоосон байна.

Б.Болормаа

эх сурвалж: undesten.mn