Гэрийн нөхцөлд бэлдэж болох, гоё арьстай болгох маскууд

 

Нүүрийг тань толигор, төгс төгөлдөр болгох гэрийн нөхцөлд бэлдэж болох нүүрний энгийн маскны жоруудыг хүргэж байна.

1. Нүүрний илүүдэл үс арилгах маск
Орц: 10гр нимбэгний шүүс
1 аяга ус
30 гр гурил
Хэрэглэх заавар: Дээрх орцуудыг бэлдээд бэлэн болсон зуурмагийг нүүрэндээ тавин 15 минут байлгасны дараагаар алчуураар үсний ургалтын чиглэлийн дагуу арчиж арилгана.

2. Хөгшрөлтийн эсрэг маск

Орц: 3 ширхэг аспирин
3 цайны халбага лимоны шүүс
Хэрэглэх заавар: Аспиринаа нунтаглан лимоны шүүсэнд хийн хутгаж гарсан зуурмагийг нүүрэндээ 10 минут тавьсны дараагаар их хэмжээний усаар сайтар угааж цэвэрлэнэ.

3. Арьс чангалах маск
Орц: 5 ширхэг аспирин
1 хоолны халбага тараг
½ хоолны халбага зөгийн бал
Хэрэглэх заавар: Хамгийн түрүүнд нүүрэнд бүлээн бигнүүр тавьж нүүрний бүх нүх сүвийг нээж өгсний дараагаар бэлтгэсэн зуурмагаа тавин 30 минут болно. Түүний дараагаар бүлээн усаар угааж цэвэрлэнэ.

4. Гуужуулагч маск
Орц: 3 ширхэг аспирин
3 хоолны халбага бүлээн ус
Хэрэглэх заавар: Аспириныг усанд хийн хутгаж зуурмагаа бэлдэнэ. Бэлтгэсэн зуурмагаа нүүрэнд тавин 10 минут байлгаад угааж цэвэрлэнэ.