Ким Жон Уны эхнэр И Сол Жү хүрэлцэн ирлээ

Өмнөд болон Хойд Солонгосын удирдагч нарын дээд хэмжээний уулзалт Панмунжомд дахь хүндэтгэлийн өргөөнд үргэлжилж байна. Уулзалтын  оройн зоогт Ким Жон Уны эхнэр И Сол Жү хүрэлцэн ирлээ. Хоёр Солонгосын төрийн тэргүүн нарын сүүлийн арга хэмжээ орон нутгийн цагаар 18:30-с хүндэтгэлийн оройн зоогоор үргэлжилнэ.

Ким Жон Ун өнгөрөгч гуравдугаар сард БНХАУ-д албан ёсны айлчлал хийхдээ тэргүүн хатагтай И Сол Жүгийн хамт явсан билээ. Энэхүү уулзалт болохоос долоон хоногийн Ким Жон Ун эхнэрээ тэргүүн хатагтай хэмээн өргөмжилснийг ажиглагчид Өмнөд Солонгос болон АНУ-ын ерөнхийлөгч нартай уулзах дээд хэмжээний уулзалтын өмнө эхнэрийнхээ статусыг өргөж буй хэрэг гэж үзэж байсан. Тэгвэл өнөөдөр тэргүүн хатагтай И Сол Жү Өмнөд Солонгост хүрэлцэн ирлээ.

Мөн Хоёр Солонгосын удирдагч нарын дээд хэмжээний уулзалт “Энх тайван, шинэ эхлэл” уриан дор явагдаж  Панмунжомд дахь цэцэрлэгт хүрээлэнд хамт мод тарив.