Гвиней улс олимпд оролцохоос татгалзав

Гвинейн улсын баг коронавирусийн цар тахлын улмаас олимпын наадамд оролцохоос татгалзсан талаар AFP мэдээлэв.

“Ковид-19-ийн халдвар нэмэгдэж байгаатай холбогдуулан Гвиней улсын Засгийн газар тамирчдынхаа эрүүл мэндэд санаа зовсны улмаас Токиогийн наадамд оролцохыг цуцлах шийдвэр гаргалаа” хэмээн Гвинейн баг мэдэгдэлдээ дурджээ.

Албан ёсны мэдэгдэлд ийн өгүүлсэн ч өөр нэг эх сурвалж тус улс санхүүгийн хүндрэлээс болоод таван тамирчнаа олимпд оруулахгүй байхаар шийдсэн болохыг хэлсэн байна.

Баруун Африкийн Гвиней улс 11 удаагийн олимпын наадамд оролцсон ч медаль авч чадаагүй юм.