Бээжингийн захиргаа иргэдийнхээ сэтгэлийг “хиймэл цэлмэг тэнгэр, нараар” аргацааж эхэлжээ

Хятад улсын нийслэл Бээжин хотын тэнгэрт утааны өтгөн үүл үүссэн ба ард иргэд нар нь нар харалгүй хэдэн долоо хоног болж байгаа билээ.

Тиймээс засаг захиргаанаас иргэдийнхээ сэтгэлийг дээрдүүлэх үүднээс Бээжин хотын бүхий л хэсгээр том дэлгэцэн дээр цэлмэг тэнгэр, нарны дүрсийг гаргаж байгаа аж. Ард иргэд сайхан цаг уур болон цэлмэг тэнгэрийг үгүйлж байгаа бөгөөд энэ дэлгэцний өмнө очиж цэлмэг тэнгэрийг хардаг болсон байна. Урьд өмнө нь энэ дэлгэцээр жуулчидад зориулсан видео бичлэгүүд цацдаг байжээ.

Одоогийн байдлаар тус улсын эрх баригчид байгаль орчны нөхцөл байдал хэзээ сайжрах талаар ямар нэгэн урьдчилсан мэдэгдэл хийгээгүй байна. Мөн настай болон бага насны хүүхдүүдийг аль болох гадагш гарахгүй байхийг сануулж байгаа юм байна.

Г.Энххишиг