Хятадын нөлөө Ази Номхон далайн бүсэд нэмэгдсээр

 АНУ-ын Төрийн нарийн бич­­гийн дарга Жон Керри Ази Номхон далайн бүсийн тогтвортой байдал нь АСЕАН-ы орнуудын боловс­руулах далай тэнгисийн хуулиас шууд шалтгаалахыг хэлсэн байна. Жон Керри Ойрхи Дорнод, Зүүн өмнөд Азийн орнуудаар айлчилж байгаа бөгөөд Индонезийн нийс­лэлд очихдоо энэ талаар мэдэгдлээ. Тэрбээр “Хятад улс тус бүс нут­гийн тэнгис, далайд хяналтаа тогтоох гэж оролдож байгаад АНУ зовниж байна.

Жишээ нь өнгөр­сөн оны арваннэгдүгээр сард Өмнөд Хятадын тэнгист агаа­раас эсэргүүцэн хамгаалах бүс байгуулс­наа зарласан” гэжээ. Хамгийн гол нь энэхүү бүсэд Япон, Хятадын хоо­ронд маргаантай байдаг Сенкаку арлууд багтаж байгаа аж.