Өглөө.мн Шинэ өглөө, Шинэ мэдээлэл
Пакистанд орон даяар бүх сургуулиудыг өндөржүүлсэн хамгаалалтад авч, дахин халдлага гарахаас сэрэмжилж байна. Террористуудын халдсан сургуулийг Пакистаны армийн хөрөнгөөр байгуулсан бөгөөд тэнд ихэвчлэн цэргийн албан хаагчдын үр хүүхдүүд суралцдаг юм байна.
Олон тооны шархдагсад эмнэлэгт хэвтэж байгаа бөгөөд энэ халдлагын талаар НҮБ, Орос,АНУ, Франц, Энэтхэг, Их Британи болон дэлхийн бусад олон оронд хэлэлцэн, Пакистанд терроризмтэй тэмцэхэд нь тусламж дэмжлэг үзүүлэхээ илэрхийлж байгаа аж.
Тусгай ажиллагаа дуусан бүх террористууд устгагдсан хэдий ч хор уршиг нь үнэхээр эмгэнэлтэй гэхээр байна. Энэ халдлага нь Пакистаны цэргийнхний явуулж буй үйл ажиллагаатай холбоотойгоор өшөө авах сэдлээр хийгдсэн бололтой.
