Уксусыг 2012 оноос эхлэн хүнсэнд хэрэглэхийг бүр мөсөн хориглосон

 Манайхан цууны хүчлийг уксус гэдгээр нь сайн мэднэ. Тэгвэл эл уксусыг хүнсэнд хэрэглэхийг бүр мөсөн хорьжээ.
Цууны хүчлийг Монгол улсад ашиглахыг хязгаарласан химийн бодисын жагсаалтад Засгийн газрын 2012 оны 145 дугаар тогтоолоор оруулж, 25 хувиас дээш концентрацтай, 500 мл хүртэл хэмжээгээр жижиглэн савласан цууны хүчлийг хүнсний зориулалтаар ашиглахыг 2013 оны нэгдүгээр сарын 1-ний өдрөөс эхлэн хориглосон тухай Байгаль орчин ногоон хөгжлийн сайд, Эрүүл мэндийн сайд нарын хамтарсан тушаал батлагдсаныг “Химийн аюулгүй байдал, хордлогын менежментийг зохицуулах зөвлөл”-ийн дарга, Эрүүл мэндийн дэд сайд Ж.Амарсанаа танилцууллаа.

Дэлхийн эрүүл мэндийн байгууллагын мэдээгээр дэлхийн хүн амын дундах зонхилон тохиолдох өвчний жагсаалтын гуравдугаарт хордлого, осол гэмтэл багтаж байгаа бол Монгол улсад химийн бодисын зүй бус хэрэглээтэй холбоотой химийн бодисын хурц болон архаг хордлогын тохиолдол сүүлийн жилүүдэд ихэсч, нас баралтын шалтгааны тавдугаарт хордлого, осол, гэмтэл бичигдэж байна.

Эдгээрийн дотроос хамгийн түгээмэл тохиолдож буй хордлогын нэг нь хүнсний зориулалтаар худалдаалагдаж буй 50-80 хувийн цууны хүчлийг санамсаргүй болон амиа хорлох сэдэлтэйгээр ууснаас үүссэн хордлого юм.

Кил нэгдсэн эмнэлгийн Монгол дахь салбар оффис 

Утас:70003213

Цахим хаяг:dodi_2910@gilhospital.com