Өглөө.мн Шинэ өглөө, Шинэ мэдээлэл
Шинж тэмдэг: Нүүр, шилбэ, гарын шуу, сарвуун дээр хүйтний харшилын шинж тэмдэг хамгийн тод илэрдэг. Жирийн үед хүйтэн агаарт байж багаад дулаан газарт орох үед агшсан судаснууд тэлж хүний арьс бага зэрэг улайж, загатнадаг ч 20-30 минутын дараа арилж зүгээр болдог. Харин хүйтний харшилын үед маш хүчтэй загатнаж, удаан хугацаанд тус шинж тэмдэг илэрч байдаг. Мөн нүд уруул орчимд хавагнадаг.
Шалтгаан: Хүйтний харшил нь удамшлын онцлог, антибиотикын хэрэглээ, цагаан хорхой, шүд цооролт, архаг бах зэрэг өвчний халдварын голомтын нөлөөгөөр үүсч болзошгүй байдаг аж.
Хүйтний харшил нь хэд хэдэн янзаар илэрдэг:
Амьсгаа боох. Хүйтний нөлөөгөөр амьсгалын зам огцом агшдаг бөгөөд дулаан газар ормогч аяндаа хэвийн болдог. Тиймээс гадуур явахдаа ам, хамраа сайтар боож зөвхөн хамраараа амьсгалах хэрэгтэй. Харишил нь багтраа зэрэг бусад харшилтай хавсрах тохиолдол бий.
