Цахлайтах эмгэг ба эмчилгээ

Энэ бол арьсан дээрх хэсэг эрүүл газарт пигментацийн процесс явагдахгүй болох буюу будагч бодис байхгүй болсноос үүдэн арьс цайрах мөн үүний эргэн тойронд нь гиперпигментац буюу бараан өнгөтэй толбонууд үүсэх эмгэг юм.

Үүсэх толбоны тоо хэмжээ болон хамрах хүрээ нь тасралтгүй тэлсээр эрүүл арьсны өнгийг өөрчилж томордог. Энэ өвчин ихэвчлэн залуу насанд илэрдэг. Арьсны цайрсан хэсгүүдийг бүрхсэн шар үс ч гэсэн бууралтаж цайрдаг. Биед үүссэн энэхүү цайрсан хэсгүүд нь наранд маш мэдрэг, эмзэг болоод зогсохгүй яаж ч наранд шараад борлодоггүй. Олон жилийн туршид өвчин бага багаар тэлсээр байдаг, эмчилгээ авдаггүй өвчний нэг юм.

Ийм өвчтэй хүмүүс хоол хүнсэндээ лууван ихээр хэрэглэнэ. Луувангийн шүүс хийж өдөрт нэг стаканыг уух бөгөөд үүнийг хэдэн сар, жилийн туршид дадал хэвшил болгох шаардлагатай. Мөн байцаа, абрикос, анар жимсийг түлхүү хэрэглэнэ. Өдөрт хоёр удаа хоолны өмнө, нэг цайны халбагаар валерианы болон аралийн хандыг 2-3 сарын турш тасралтгүй уувал мэдэгдэхүйц үр дүн ажиглагддаг. Мөн хвойно-валерианы хандтай усанд (валерианы ханд 20 мл, шилмүүсний ханд 2 цайны халбага) гурван хоногт нэг удаа орох мөн курс витамин уух (нэн ялангуяа В1 болон В6) шаардлагатай. Цахлайтаж цагаарсан хэсгийн аьсан дээр зверобой-ын уусмалыг (2 цайны халбагыг нэг стакан буцалсан усанд хийх) нэг цайны халбага ургамлын тостой хольж өдөрт 3-4 удаа арчих нь үр дүн сайтай. Ийм маягаар сарын турш курс эмчилгээ хийлгээд үр дүнг нь харах хэрэгтэй.