Ухаалаг утас шиг харагддаг гар буу зохион бүтээжээ

АНУ-ын Миннесотад төвтэй “Ideal Conceal” компанийнхан анхны бүтээгдэхээ танилцууллаа. Ухаалаг гар утас шиг харагдах хоёр амтай гар буу тун удахгүй хэрэглэгчдийнхээ гар дээр хүрнэ. Эвхсэн үедээ АйФон гар утас шиг харагдах хоёр амтай энэ зэвсэг нь 0.380 мм-ийн голчтой байна. Энгийн үедээ буюу ухаалаг гар утасны стандарт хэмжээнд байхдаа гох болон гал нээх хаалт нь түгжигддэг учир ямар ч аюулгүйн дээр халаас, жижиг гар цүнх гээд дуртай газраа агуулж явах боломжтой.

 

Зохион бүтээгчид нь бүтээгдэхүүнийхээ талаар “Орчин цагийн хүмүүсийн өдөр тутмын үндсэн хэрэглээнд суурилан загвар хийцийг нь гаргасан учир биедээ авч явахад маш хялбар. Аюулгүй байдлын тал дээр бүх талаас нь маш сайтар бодож төлөвлөсөн учир санамсаргүй гал алдаж, өөрийгөө шархдуулах аюулыг мартаж болно” хэмээн тайлбарлалаа.

 

“Ideal Conceal”-ийнхан уг гар бууг үйлдвэрлэлийн шатанд нэвтрүүлэхээр зэхэж байгаа юм байна. Анхан шатны тооцоогоор энэ оны дундуур зах зээлд гарах бөгөөд үнийн хувьд 395 ам.доллар байх аж. Ямартай ч загвар дизайныг нь боловсруулж, зар сурталчилгаагаа хийж эхэлснээс хойш 2500 гаруй худалдан авах санал хүлээн авчээ.

 

 

zuvsongolt.mn