Өглөө.мн Шинэ өглөө, Шинэ мэдээлэл
Дэлхий даяар тархан суугаа Монголчууд маань өөрсдийн оршин байгаа газар бүртээ үндэсний их баяр наадмаа тэмдэглэн өнгөрүүлдэг уламжлалтай. Үүний дагуу Скандинавийн хойг буюу Шведийн Вант улсад ажиллаж, сурч байгаа Монголчууд маань Тулгар төрийн 2225, Их Монгол улс байгуулагдсаны 810, Ардын хувьсгалын 95 жилийн ойн баяр наадмаа 2016-07-09 өдөр Стокгольм хотын Akalla By зүлэг ногоон дэвжээнээ дэлгэр сайхан наадаж нүүдэлчин ард түминий өв соёлоо үр хойчдоо хадгалан таниулах, Монгол өв соёлоо сурталчилах зорилгын дор нэгэн өдрийг хамтдаа тэмдэглэн өнгөрүүллээ.
2016 оны 7 сарын 9-ны өдөр болсон Швед дэх Монгол наадмын нэг онцлог бол Шведийн хамгийн том хотуудад Stockholm, Göteborg, Malmö нэгэн зэрэг Монголчууд наадмаа тэмдэглэн өнгөрүүлсэн нь наадмын үйл ажиллагааны цар хүрээ өргөжин тэлж байгаагийн нэг том жишээ боллоо.
Үндэсний Бөх
Швед дэх Монгол Наадам 2016 үйл ажиллагааны үеэр Аймаг, цэргийн цолтой болон залуу 32 бөх барилдсанаас Дундговь аймгийн Цагаан дэлгэр сумын харьяат сумын заан Я.Дамба түрүүлж, Увс аймгийн Улаангом сумын харьяат Э.Мэндбаяр үзүүрлэн, Аймгийн начин Н.Отгонбаатар, Аймгийн начин М.Батмөнх нар шөвгөрлөө. Энэ жилийн уран барилдааны шагналыг үзүүрлэсэн залуу бөх Э.Мэндбаяр хүртлээ.
Үндэсний Сурын харваа
Швед дэх Монгол наадам 2016 үйл ажиллагааны сурын харваанд нийт 16 хараавч цэц мэргэнээ сорьсон бөгөөд Монгол улсын спортын мастер Г.Ганчимэг тэргүүлж, Хэнтий аймгийн мэргэн Ө.Сайнбаяр удаалан, гутгаар байрт залуу харваач Ц.Батцэнгэл нар орлоо.
Шагайн Харваа
Швед дэх “Монгол Наадам 2016” Шагайн харвааны асарт багийн төрлөөр болон цуваа харваа гэсэн 2 хэсэгт шагайчид маань цэц мэргэнээ сорин өрсөлдсөн бөгөөд багийн төрөлд Батсайхан ахлагчтай баг тэргүүлэн, Энхболд ахлагчтай баг дэд байрт, гутгаарт Батзориг ахлагчтай багууд шалгарчээ. Цуваа харвааны төрөлд Тэргүүн байрыг Монгол улсын гарамгай мэргэн Энхболд, дэд байрт залуу харваач Батсайхан, Гутгаар байрт Улсын мэргэн Хишигсүрэн нар шалгарлаа.
Үндэсний бөхийн хүүхдийн барилдаан
Швед дэх Монгол Наадам 2016 үйл ажиллагаанд хүүхдийн барилдаан 2дахь жилдээ зохион байгуулагдаж байгаа бөгөөд 10-12 нас, 10-12 нас гэсэн ангилалаар нас тус бүр дээр 16 хүүхэд барилдсанаас 6-9 насны ангилалд Жамбалцанжиг тэргүүлж, Ган-эрдэнэ үзүүрлэн, Маргад, Содхүү нар шөвгөрлөө.
6-9 насны ангилалд. Тэмүүлэн түрүүлж, Мандахдэлгэр үзүүрлэн. Мөнгөн цоож нар шөвгөрлөө.
Эх сурвалж: facebook.com/Mongoliska-Riksf%C3%B6rening-i-Sverige-173627406017332/
