ОХУ-ын амьтны хүрээлэнгийн бар хүн рүү дайрчээ

Оросын “Калининград” амьтны хүрээлэнгийн ажилтан эмэгтэй хоолыг нь өгөхөөр явж байгаад баранд бариулсан байна. Торны хаалгыг хаалгүй мартаж орхисноос бар үүрнээсээ гарч ирсэн.

“Хар салхи” нэртэй Сибириэс авчирсан эр бар эмэгтэй рүү дайрах мөчид тэнд байсан хүмүүс хараад цочирдсон агаад зарим нь хашхирч эхэлжээ. Эрэгтэйчүүд бар луу чулуу, сандал, ширээ зэргийг шидсэн ба тэр үед үймэрсэн барын гараас эмэгтэй зугтаж чадсан байна.