Солонгосын жуулчны цогцос Боливи улсаас олджээ

Боливит Өмнөд Солонгосын эмэгтэй жуулчны цогцос олдсон талаар тус улсын Гадаад Хэргийн Яам өнгөрсөн бямба гаригт мэдээлжээ. Тодруулбал эмэгтэйг пүрэв гаригт орон нутгийн цагаар үдээс хойш Титикака нуураас өмнө зүгт орших Исла Дел Сол арлаас олжээ.

Тус яамныхны мэдэгдэж буйгаар эмэгтэй 40 гаруй настай агаад Боливийн цагдаагийнхан түүний цогцсыг нийслэл Ла Пазад авчирсны дараа үхлийн шалтгааныг нь тогтоохоор ажиллаж эхэлжээ. Болсон явдлыг сонссон Солонгосын элчин сайдын яамнаас албаны хүмүүс цагдаа нартай уулзахаар очжээ.

Орон нутгийн мэдээллийн хэрэгслийн уламжилснаар эмэгтэй Боливит ганцаараа аялж явсан байна.