Өглөө.мн Шинэ өглөө, Шинэ мэдээлэл
АНУ болон Хойд Солонгосын энэ сарын 12-нд Сингапурт хийх дээд хэмжээний уулзалтын үеэр Хойд Солонгосын удирдагч Ким Жөн Уны зочид буудалд байрлах төлбөрийг “Цөмийн зэвсгийг хориглох олон улсын кампанит ажил” байгууллага даахад бэлэн байгаагаа мэдэгджээ. Энэ байгууллага нь 2017 онд Нобелийн энх тайвны шагналыг хүртэж байсан юм.
“Манай хөдөлгөөн нь цөмийн зэвсгийг устгахад чиглэсэн бодлого баримталдаг бөгөөд бид АНУ-Хойд Солонгосын энэхүү түүхэн дээд хэмжээний уулзалтыг цөмийн зэвсэггүй болох энх тайвны үйл хэрэгт хувь нэмрээ оруулахад тохиож болох ганц боломж гэж үзэж байна. Нобелийн шагналд мөнгөн урамшуулал багтдаг билээ. Тиймээс бид Солонгосын хойгт энх тайван байдлыг тогтоохын тулд энэ мөнгийг дээд хэмжээний уулзалтыг зохион байгуулах зардлыг даахад ашиглахыг санал болгож байна” гэж цөмийн “Цөмийн зэвсгийг устгах олон улсын кампанит ажил”-ын олон улсын зохицуулалтын бүлгийн гишүүн Акира Кавасаки мэдэгдсэн байна.
