Өглөө.мн Шинэ өглөө, Шинэ мэдээлэл
ОХУ-ын иргэн, АНУ-ын жүжигчин Стивен Сигалыг ОХУ-ын Гадаад хэргийн яамны Орос-АНУ-ын хүмүүнлэгийн харилцааны асуудал хариуцсан тусгай төлөөлөгчөөр томилогджээ. Энэ тухай ОХУ-ын Гадаад хэргийн яам фейсбүүк хуудсаар дамжуулан мэдээллээ.
“Стивен Сигал ОХУ-ын Гадаад Хэргийн яамны Орос-АНУ-ын хүмүүнлэгийн харилцааны асуудал хариуцсан тусгай төлөөлөгчөөр томилогдлоо. Түүний үүрэг бол соёл, урлаг, олон нийт болон залуучуудын солилцоо зэрэг хүмүүнлэгийн салбарт ОХУ-АНУ-ын харилцааг цаашид хөгжүүлэхэд оршино” гэж албан ёсны мэдээлэлд дурджээ.
Өдгөө 66 настай тэрбээр 2016 онд ОХУ-ын иргэншил авсныхаа дараа мэдэгдэл хийхдээ, Ерөнхийлөгч В.Путиныг дэлхийн хэмжээний гайхалтай удирдагчдын нэг юм гэж сайшаагаад, надад иргэншил олгосон энэ үйл явдал нь АНУ болон ОХУ-ын харилцаа сайжирч эхлэх дохио болно гэдэгт найдаж байгаагаа илэрхийлсэн байна.
