Өглөө.мн Шинэ өглөө, Шинэ мэдээлэл
Өнгөрсөн оны сүүлчээр Хятадын Ухань хотод тархсаар байгаа шинэ төрлийн уушгины хатгалгаа өвчний эсрэг вакциныг бүтээх ажлыг АНУ-ын Эрүүл мэндийн үндэсний хүрээлэн эхлүүлжээ.
“АНУ-ын Эрүүл мэндийн үндэсний хүрээлэн вакцин боловсруулах эхний алхмуудыг авч хэрэгжүүлж байна. Вакцин боловсруулах клиникийн судалгаа шинжилгээний ажил хэдэн сарын хугацаанд үргэлжилж магадүй байгаа бөгөөд жилийн дараа гэхэд л хэрэглэх боломжтой болж магадгүй юм” хэмээн тус хүрээлэнгийн тэргүүн Энтони Фоцигийн мэдэгдсэнийг “CNN” агентлаг уламжилсан байна.
Бэлдмэлийн боловсруулт дээр Техас, Нью-Йоркоос болон БНХАУ-аас ирсэн хэсэг бүлэг эрдэмтэд ажиллаж байгаа аж. Тэгвэл ОХУ-д мөн коронавирусний вакциныг гаргаж авахаар ажиллаж эхэлжээ. Вакцин бүтээх ажилд зургаан сар үргэлжилнэ гэж “Известия” сонинд мэдээлсэн байна. ОХУ-ын Эрүүл мэндийн яамны Стратеги төлөвлөлтийн төвийн орлогч дарга Герман Шипулин дээрх мэдээллийг өгчээ. Шинэ төрлийн корона вирусээр халдварлагдсан эхний тохиолдол өнгөрсөн оны сүүлээр БНХАУ-ын Ухань хотод гарсан юм. Уг вирусыг шинэ төрлийнх болохыг энэ сарын 7-ны өдөр тодорхойлж 2019-nCoV гэж нэрлэсэн. Энэ вирус нь шувууны ханиад зэрэг өмнө нь дэгдэж байсан вирусний халдварыг эмчлэх эмэнд бүгдэд нь тэсвэртэй болох нь батлагдаад байгаа юм.
