Өглөө.мн Шинэ өглөө, Шинэ мэдээлэл
БНХАУ-ын Эрүүл мэндийн яамны шийдвэрээр хөлдөөсөн хүнсэнд хяналт шалгалт хийхэд хэд, хэдэн хөлдөөсөн хүнснээс коронавируст халдвар илэрчээ.
БНХАУ-ын Циньдао хотын боомтын хоёр ч зогсоолд Эквадороос ирсэн хясаа, ОХУ-аас ирсэн хөлдөөсөн нялцгай биет, Норвегийн далайн бүтээгдэхүүнээс коронавирус илэрсэн байна.
Дээрх бүтээгдэхүүнүүдийг хараахан худалдаалж эхлээгүй байсан тул халдвар нийтэд тархаагүй гэж үзэж буй аж.
Харин дээрх хоёр зогсоолын ажилчдыг тусгаарлах, шинжилгээнд хамруулахаар шийдвэрлэжээ.
БНХАУ-ын засаг захиргаа ард иргэдээ далайн болон элдэв хөлдөөсөн бүтээгдэхүүн авч байгаа бол халдвар хамгааллын баримт бичигтэй танилцаж, сайтар нягталсны үндсэн дээр худалдаж авахыг анхааруулж байна.
Эх сурвалж: TIME
