Өглөө.мн Шинэ өглөө, Шинэ мэдээлэл
NBA-гийн “Өрнөд” бүсийн аваргын төлөөх цувралын тав дахьд “Лос-Анжелес Клипперс”, “Финикс Санс”-ыг 116:102-оор хожлоо. Тэд цувралын хожлын харьцааг 3:2 болгож ойртуулсан ба энэ тоглолтод “Клипперс”-ийн довтлогч Пол Жорж 41 оноо, 13 удаа самбараас бөмбөг авч, зургаантаа оновчтой дамжуулан, гурвантаа бөмбөг тасалжээ. Тэрээр плей-оффын эхний 18 тоглолт дараалж хориос дээш оноо авсан дөрөв дэх тоглогч болсон ба өмнө нь “нисдэг” Майкл Жордан, Коби Брайант, Кевин Дюрант нар ийм амжилт үзүүлж байсан аж. Мөн NBA-гийн түүхэнд плей-оффт 40 оноо, 13 удаа самбараас бөмбөг авч, зургаантаа оновчтой дамжуулан, 75-аас доошгүй хувьд нь амжилттай довтолсон анхны тоглогч болсон байна. Нэмж дурдахад П.Жорж “Клипперс”-ийн түүхэнд плей-оффт 40 оноо, арван удаа самбараас бөмбөг авч, таван удаа оновчтой дамжуулсан анхны тоглогчоор тодорч, плей-оффын онооны хувийн дээд амжилтаа тогтоосон юм.
