ДОХ-ын халдвар тээгчид арми байгуулж, энгийн иргэд рүү дайрч байна

 Бүгд Найрамдах Кон­го улсын зүүн хэсэгт орших Хойд, Өмнөд Киву му­жид олон жилийн турш цус урсгасан зэвсэгт мөргөл­дөөн гарч байгаа юм.

Эх сур­вал­жуудын мэдээлс­нээр энд дор хаяж  зэвсэгт 30 бүлэглэл тааралдсан бүхнийхээ эсрэг дайтдаг аж. Харам­салтай нь энэхүү дайнд энгийн номхон иргэд хамгийн ихээр өртдөг байна. Тухайлбал охид, эмэг­тэйчүүд, хүүхдүүдийг хү­чирхийлэх нь гаарчээ. Ялан­гуяа “ХДХВ-ын халдвар тээгч­дийн эскадрон”-ы дай­чид харгис, хэрцгий үйлд­лээрээ бусдаас ялгарч байна.

Тэдний үйлдсэн гэмт хэр­гийн талаар саяхан Бурунди, Руанда, Ардчилсан Бүгд Найрамдах Конго улсад ажил­лаад ирсэн Гадаадад суу­гаа францууд, дэлхийн франц хэлтэй орнуудын хамтын ажиллагааны олон улсын байгууллагын төлөө­лөгч сайд Ямин Бен­гиги дэлхий дахинаа ил болгосон юм.

Тэрбээр Киншаст болсон хэвлэлийн бага хурлын үеэр “Энэхүү эскадроны дай­­чид өрсөлдөгч омгийн эмэг­тэйчүүдийг хүчирхийлэх за­маар ХДХВ-ын вирусээ зо­риуд тараадаг” гэжээ. Сай­дын хэлснээр Конгогийн зүүн хэсэгт хөгшин хөвөө гэлтгүй олон эмэгтэй ХДХВ-ын халдвар тээж байна. Тиймээс тэдэнд анхаарлаа хандуулахыг дэлхий нийтэд сонордуулжээ.

Түүнчлэн Конгогийн улс­төр судлаач, “Нгамбо На Нгамбо” сэтгүүлийн ерөнхий редактор Лило Мианго “Оросын дуу хоолой”-д улс­даа үүсээд буй нөхцөл байд­лын талаар мэдээлэл өгчээ.

Шинжээчийн ярьж буй­­гаар  тэрбээр 2000 онд Францад Угандагийн Мбара­ра хотын тухай телевизийн кино хийсэн гэнэ. Уг ки­нон­доо тус хотод Европ, Аф­рикийн хөлсний хүмүүс Конгогийн гэмт бүлэглэлтэй хамтран “ХДХВ тээгчдийн эскадрон” байгуулахаар шийд­­вэрлэсэн талаар дурд­жээ. Гэтэл уг киног гаргаагүй юм байна.

Энэхүү харгис хэрцгий үйлдлийн талаар Бурундийн сэтгүүлч түүнд анх мэдээлж байсан аж. Харин дараа нь Руанда улсын нэгэн сэтгүүлч баталсан гэнэ.

Тэгэхээр Бурунди, Руан­дагийн ХДХВ-ээр өвчилсөн цэргүүд Конгогийн зүүн хэсэгт цэргийн үйл ажиллагаа явуулахдаа нутгийн иргэдэд халдвар тарааж эхэлсэн бо­лолтой. Лили Мианго энэ талаар “Энэ бүхэн на­цист Германы Гитлерийн бод­логыг санаг­дуулж байна. Тэ­рээр цэвэр ари үндэстнийг хадгалж үлдэхийн тулд янз бүрийн үндэстэн угсаатны хүүхдүүдийг устгах бодлого баримталж байсан юм.

Ардчилсан Бүгд Найрамдах Конго улсын Ерөнхийлөгч Жозеф Кабила Руандаг дэмжигч “Гуравдугаар са­рын 23 хөдөлгөөн” зэрэг хэт даврагч бүлэглэлүүдийн эсрэг Киву мужуудад ар­миа илгээсэн ч цаагуураа Руанда, Угандагийн Ерөнхий­лөгчидтэй нууц зөвшилцөл байгуулсан. Тиймээс ч Жозеф Кабила ийм хүчирхийллийн талаар ганц ч удаа ам нээж байгаагүй.” гэжээ.

Одоогийн байдлаар ХДХВ, сүрьеэ, хумхаатай тэмцэх дэлхийн сан санхүүгийн хям­­ралаас болж Африкийн ор­­нуудад явуулдаг үйл ажил­­лагаагаа  хумьж  буй. Тиймээс Ардчилсан Бүгд Най­рамдах Конго улсад ХДХВ-ын халд­вар тээгчдийн үйл ажил­лагаа идэвхжиж, био­логийн аюулт дайн дэгдэх аюул нүүрлээд байна.
Германы “Drzte Zeitung” сонинд бичсэнээр Конгод ХДХВ, ДОХ-ын асуудал гамш­­гийн хэмжээнд хүрсэн гэнэ.
“Хил  хязгааргүй эмч нар” байгууллагын судал­гаа­наас үзэхэд тус улсын ХДХВ-ын халдвартай хүн амын дөнгөж 15 хувь нь л шаардлагатай эм бэлдмэлээ авах чадвартай аж. Гэтэл 2013 онд санхүүгийн хям­ралын улмаас вирустэй тэм­­цэхэд зориулж тун бага төсөв баталжээ.

Тус улсад нийт сая орчим хүн ХДХВ-ын халдвар тээж байна. Гэтэл 85 хувь нь ямар ч эмчилгээ хийлгэж чадахгүй байгаа аж.

Эмчилгээнээс гадна тус улсад эхээс хүүхдэд вирус дамжихаас урьдчилан сэр­гий­лэх ажиллагаа ч бараг хийгддэггүй гэнэ. Тухайлбал ХДХВ-ын халд­вар тээгч жирэмсэн эмэг­тэйчүүдийн дөнгөж нэг хувь нь л урьд­чилан сэргийлэх арга хэмжээ авах талаар боддог аж.

Түүнчлэн ХДХВ-ын халд­вар­тай ихэнх хүн энэ өвчин туссанаа бусдад мэдэгдэлгүй, чимээгүйхэн нас бардаг ту­хай судлаачид мэдээлжээ.