Хөгшрөлт бол сэтгэлийн өвчин

-50-60 насыг хөгшрөлтийн эхэн үе

-60-75 насыг эрт хөгшрөлтийн үе

-75-90 насыг хөгшрөлт

-90-ээс дээш насыг хөгшин нас гэдэг.

Гэхдээ хүний бие махбодийн эд эс бүр тодорхой наснаас эхлэн хөгширч эхэлдэг юм байна. 25 наснаас үе мөчний өсөлт зогсоно, 30 наснаас арьс, 40 наснаас үсний хөгшрөх үйл явц эхэлдэг бол, мөн 40 наснаас нурууны уян эдүүдийн хэмжээ бага багаар багасдаг ажээ. Орчин үед “нас бол зөвхөн тоо” гэдэг үзэл хүмүүсийн дунд ноёрхох болсон. Би мөн адил үүнтэй санал нийлдэг. Наснаасаа залуу харагдах нь тухайн хүний ажил, амьдралын дэглэмээс шууд хамааралтай болжээ. Зөв хооллолт, спортоор хичээллэх, бас сэтгэл санаагаа амар амгалан байлгах нь урт наслалтын үндэс болдог. Хүний наслалтанд байгаль ертөнцийн жам ёсны хүчин зүйлс нөлөөлөх хэдий ч үргэлж залуугаараа урт удаан амьдралыг та өөрөө өөртөө бэлэглээрэй.

Хөгшрөлт бол сэтгэлийн “өвчин” Энэ орчлонд хүн болж төрнө гэдэг азтай завшаантай хэрэг ч хүмүүний амьдралын үргэлжлэх хугацаа дэндүү богинохон юм шиг санагдах үе цөөнгүй байдаг. Харин ганцхан удаа олдох энэ амьдралыг урт удаан, аз жаргалтай болгох эсэх нь хүнээс өөрөөс нь шалтгаалдаг бололтой. Хэн өөртөө арчаатай, хөдөлгөөнтэй, зөв амьдарч чадаж байна тэр хүн эрүүл чийрэг байж урт насалдаг. Хөгширч, доройтохгүй хэн нэгний асаргаа сувилгаанд орохгүйн тулд эртнээс хүн шиг амьдрах хэрэгтэй. Төрөх, хөгшрөх, үхэх гэдэг нь хүний амьдралын шаталбар билээ. Анагаахын шинжлэх ухаанд хөгшрөлтийг биологийн хэвийн үзэгдэл гэж үздэг. Нас бол хөгшрөлтийн хэмжигдэхүүн юм. Хөгшрөлт явагдах үеийг дараахь байдлаар ангилдаг байна.